Последование о причащении с



Последование о причащении с(вя)тыя воды, иже великого ос(вя)щения на Б(о)гоявление.Егда нес(ть) леть причаститися Животворящих Пр(е)ч(ис)тых Х(ристо)въ Таинъ, Плоти и Крови. Да по советоу д(у)ховнаго настоятеля, егда въремя повелит, да причастится, с(вя)щенныя Б(о)гоявленныя воды, по обычномоу приоуготованию иже къ ос(вя)щ(е)нию, и сия изъг(лаго)л(е)ть м(о)л(и)твы.Створивъ начало г(лаго)л(е)ть : Ц(а)рю н(е)б(ес)ныи, и Трис(вя)тое, и Отче нашь, Г(оспод)и помилуи (12 раз), Слав(а) и ныне:, приидете поклонимся (трижды), таж(е) [50-й псалом] «помилоуи мя Боже».И по сем тропари сия:Иже чашю имея неисчерпаемыхъ с[о]кровищь, даи же ми почерь[п]сти воду во оставление грехом, яко утешняем есмь жажею, Бл(а)гоютробне Г(осподи) Сп(а)се.Слава, и ныне: Д(е)во ч(ис)тая, Слова полато, д(у)шю мою покажи до(м) Д(у)ха, воды источника живоначалия напои мя, горением греха истаема, яко да по долгоу славлю тя. И по сем м(о)л(и)тва иже во с(вя)тых о(т)ца нашег(о) Иоанна Злат(о)оустаг(о): Г(оспод)и Б(о)же нашь,Иже з Бесм(е)ртным и с Безначалным О(т)цемь сразоумеваем.и с Безначялным и с Присн(о)сущным Твоимь Д(у)хом спребывая, Иже всяког(о) ос(вя)щения Податель.Иже и преже Своим кр(е)щением воды ос(вя)тивь.и ныне при(сно) сихь, Твоим С(вя)тым призыванием ос(вя)щаа Самь.и сию с(вя)тоую воду пришествием и деиствием Твоего С(вя)т(а)го Д(у)ха, ос(вя)щенноую створи ми рабоу Твоему; быти причащающеся от нея, в просвещению д(у)ше, въ ос(вя)щение телоу, во умершьвление стр(а)стемь,во отвержение лоукавыхь помысль, въ хранило и отложение лоукаваго настояния, на всякоу ползоу приличноу; яко да ее бл(а)годатью покрываем, неврежьдно от всякаго навета пребоуду;в славоу Твоего Пребл(а)гаго и С(вя)т(а)го имени; м(о)л(и)твами Пр(е)с(вя)тыя Вл(а)д(ы)ч(и)ци нашея Б(огоро)д(и)ца, и всехь с(вя)т(ы)хь.амин(ь).

Таж(е) створим три метания г(лаго)ля: Во Иордане крьщающя Ти ся Г(оспод)и, Троичьское явися покланяние. родителевъ оубо глас, свидетельствоваше Ти. возлюбленаг(о) Тя С(ы)на именуя.и Д(у)хь въ видении голубине, известоваше словеси оутвержение.явлиися Х(рист)е Б(ож)е, и мирь просвещь слава Тебе.Слава, и ныне:Явился еси вселенеи свет Твои Г(оспод)и; знаменася на нас, иже вь разуме поющих Тя. прииде и явися Свет неприкосновенныи. Таж причястивьс(я) ос(вя)щенныя, со страхом и з бл(а)гобоязньством.и по сем м(о)л(и)тва иже в с(вя)тых о(т)ца нашег(о) Иоанна Злат(о)оустого по причястью с(вя)тыя воды:Слава неизреченнои Ти неизьследованнои б(л)агости.слав(а) премногому Ти незлобивому доготерпению. слава бл(а)гоутробью Твоемоу. яко и ныне мя грешнаго, и недостоинаго раба своего ос(вя)щением сподобилъ еси, ос(вя)щенныя сея воды причастьем;оукрепи ми, сего ради живот.невредима всего соблюдая. неоуловльна мя съпротивными сделаи.непорабощена нечистым покажи помыслом;всего мя обнови, всего въ бл(а)гая вжели делания;всего к Твоемоу впери желанию. яко Ты еси сладость д(у)шам нашим. и Тебе славоу всылаем с Безначалным Ти О(т)цем, и с Пр(есвя)тым и бл(а)гым и животворящим Д(у)хом Твоим.и ныне и присно и в веки векомаминь.

И по сем: Достойно есть.. таж(е) Слава, и ныне: Г(оспод)и помилоуи (трижды)И конець




map